პუტინი G20-ის სამიტს არ დაესწრება – ამის შესახებ გამოცემა Bloomberg წყაროებზე დაყრდნობით წერს და განმარტავს, რომ კრემლთან დაახლოებული პირები ამბობენ, რომ კრემლი პრეზიდენტის დაცვას ცდილობს უკრაინაში შეჭრის გამო პოტენციური დაძაბულობისგან.
გამოცემის ცნობითვე, სამიტზე პუტინს, სავარაუდოდ, ქვეყნის საგარეო საქმეთა მინისტრი, სერგეი ლავროვი ჩაანაცვლებს.
მანამდე კი ინდონეზიის პრეზიდენტმა ჯოკო ვიდოდომ განაცხადა, რომ ნაკლებად სავარაუდოა, რომ რუსეთმა G20-ის სამიტში მიიღოს მონაწილეობა. მაშინ ვიდოდომ თქვა, რომ პუტინს ესაუბრა, თუმცა დარწმუნებულია, რომ ის ამ ღონისძიებას არ დაესწრება.
ცნობისთვის, კრემლის პრესსპიკერმა დიმიტრი პესკოვმა განაცხადა, რომ რუსეთი მონაწილეობას მიიღებს G20-ის სამიტში, თუმცა ფორმატი ჯერ დადგენილი არ არის.