რუსეთი ინფრასტრუქტურაზე თავდასხმისთვის ემზადება, ჩვენ ვემზადებით, რომ ვუპასუხოთ – ზელენსკი

0
252

“ყველამ, ვინც რუსეთს ომის გახანგრძლივებაში ეხმარება, მასთან ერთად პასუხი უნდა აგოს” – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში ისაუბრა.

ზელენსკის თქმით, რუსეთს ომის გახანგრძლივებაში ირანი ეხმარება. მისი თქმით, ირანული რაკეტებით რუსეთი თავს ესხმის უკრაინულ ინფრასტრუქტურებს.

ზელენსკის თქმით, რომ არა ირანული იარაღის მიწოდება, უკრაინა ახლა უფრო ახლოს იქნებოდა მშვიდობასთან.

“ჩვენ გვესმის, რომ ტერორისტული სახელმწიფო ჩვენს ინფრასტრუქტურაზე მასიური თავდასხმის შესაძლო განმეორებისთვის ძალებისა და საშუალებების კონცენტრირებას ახდენს. პირველ რიგში, ენერგეტიკული ინფრასტრუქტურის. ამისთვის რუსეთს სჭირდება ირანული რაკეტები.

ჩვენ ვემზადებით, რომ ვუპასუხოთ”, – თქვა ვოლოდიმირ ზელენსკიმ.

მისი თქმით, აუცილებლად დადგება დღე, როდესაც გამოაცხადებენ, რომ უკრაინას გაუწიეს სრული დაცვა რუსული საფრთხისგან როგორც ზღვაზე, ასევე ცაში.

წინა სტატიათბილისსა და სამეგრელოში “ქურდულ სამყაროსთან” კავშირში მყოფი 5 პირი დააკავეს
შემდეგი სტატიაოკუპირებული ხერსონი ელექტროენერგიისა და წყლის გარეშე დარჩა
ტელეკომპანია ოდიშის საინფორმაციო სამსახური