მიშელის შეთანხმებაზე ხელმომწერმა ოპოზიციურმა პარტიებმა პრეზიდენტს ნიკა გვარამიას შეწყალების თხოვნით უნდა მიმართონ – სამადაშვილი

0
193

“ლელოს” დეპუტატის, სალომე სამადაშვილის განცხადებით, შარლ მიშელის შეთანხმებაზე ხელმომწერმა ოპოზიციურმა პარტიებმა საქართველოს პრეზიდენტს ნიკა გვარამიას შეწყალების თხოვნით უნდა მიმართონ

“იმისთვის, რომ ნიკა გვარამიას წინააღმდეგ გამოტანილი უკანონო გადაწყვეტილება არ გახდეს სერიოზული დაბრკოლება ევროპული მომავლის უზრუნველყოფის თვალსაზრისით, სწორი ნაბიჯი საქართველოს პრეზიდენტისგან იქნებოდა მისთვის კონსტიტუციით მინიჭებული უფლებამოსილების გამოყენება და კონკრეტული ნაბიჯის გადადგმა, რომელიც მას ერთპიროვნულად შეუძლია გააკეთოს ევროკავშირის მოთხოვნების შესრულების მიმართულებით და ეს იქნებოდა ნიკა გვარამიას შეწყალება. ჩემი იდეა არის, რომ კარგი იქნებოდა, ოპოზიციურმა პარტიებმა, რომლებმაც ხელი მოაწერეს მიშელის შეთანხმებას, მოითხოვონ შეხვედრა პრეზიდენტთან, რადგან ის იყო ამ შეთანხმების ნაწილი, ამ შეთანხმებაში იყო მნიშვნელოვანი პუნქტები რაც შეეხებოდა პოლიტიკური მართლმსაჯულების დასრულებას და მედიის დევნის შეწყვეტას. ვფიქრობ, რომ არამხოლოდ ზეპირად და წერილობით, არამედ პირადი შეხვედრის გზითაც გვეთხოვა პრეზიდენტისთვის, მისთვის მინიჭებული საკონსტიტუციო უფლების გამოყენება ქვეყნის ინტერესების და ევროპული მომავლის უზრუნველყოფის თვალსაზრისით,”- განაცხადა სამადაშვილმა.

თბილისის სააპელაციო სასამართლომ ნიკა გვარამია დღეს პატიმრობაში დატოვა.

წინა სტატიავუერთდები შეშფოთებას ნიკა გვარამიას საქმის ირგვლივ არსებულ ვითარებაზე – ანა ფოტიგა
შემდეგი სტატიაპრეზიდენტი თუ შეიწყალებს გვარამიას, ეს იქნება პრეზიდენტის ინსტიტუტის შეურაცხყოფა – კობახიძე
ტელეკომპანია ოდიშის საინფორმაციო სამსახური