უკრაინა ითხოვს პუტინს G20-ის მიწვევა გაუუქმონ

0
254

უკრაინის საგარეო საქმეთა სამინისტრო საერთაშორისო თანამეგობრობას მოუწოდებს, გააუქმოს პრეზიდენტ ვლადიმირ პუტინის მიწვევა G20-ის სამიტში მონაწილეობის მისაღებად, რომელიც ინდონეზიაში, კუნძულ ბალიზე 15-16 ნოემბერს გაიმართება.

“პუტინმა საჯაროდ აღიარა, რომ უკრაინელი მშვიდობიანი მოსახლეობის და ენერგეტიკული ინფრასტრუქტურის წინააღმდეგ სარაკეტო დარტყმების ბრძანება გასცა. იდაყვებამდე სისხლიანი ხელებით არ უნდა იჯდეს ერთ მაგიდასთან მსოფლიო ლიდერებთან. პუტინის მოწვევა ბალის სამიტზე უნდა გაუქმდეს და რუსეთი უნდა გაირიცხოს დიდი ოცეულიდან” წერს Twitter-ზე უკრაინის საგარეო საქმეთა სამინისტროს პრესსპიკერი ოლეგ ნიკოლენკო.

უკრაინის ინფრასტრუქტურაზე თავდასხმები არ არის ყველაფერი, რისი გაკეთებაც შეგვიძლია! – აცხადებს პუტინი და ადასტურებს, რომ უკრაინაზე მასირებული დარტყმები პასუხია სევასტოპოლში განვითარებულ ბოლო მოვლენებზე.

ცნობისთვის, შაბათს მოსკოვმა კიევი შავი ზღვის ფლოტზე თავდასხმაში დაადანაშაულა.

წინა სტატიასაქართველოს მასშტაბით მოსამართლეების გაცვლითი პროგრამები გაგრძელდება – კელი დეგნანი
შემდეგი სტატიაპენტაგონი უკრაინას $275 მილიონის სამხედრო დახმარების ახალ პაკეტს უგზავნის
ტელეკომპანია ოდიშის საინფორმაციო სამსახური