UNICEF ხელისუფლებას მოუწოდებს, გააკეთოს ყველაფერი ბავშვების უსაფრთხოებისთვის საჯარო სივრცეში

0
185

ქალაქის დაგეგმარებაში ყველა ქალაქმა უნდა უზრუნველყოს ბავშვებისთვის და ადგილობრივი მაცხოვრებლებისთვის უსაფრთხო და ინკლუზიური საჯარო და მწვანე სივრცეები, სადაც ისინი შეძლებენ შეკრებას და გარე აქტივობებში ჩართვას – ნათქვამია UNICEF-ის განცხადებაში, რომელსაც ორგანიზაცია ვაკის პარკის ტრაგედიასთან დაკავშირებით ავრცელებს.

ორგანიზაცია მოუწოდებს ეროვნულ და ადგილობრივ ხელისუფლებას, თავიანთი პასუხისმგებლობის ფარგლებში, გააკეთონ ყველაფერი, რათა უზრუნველყონ ბავშვების უსაფრთხოება საჯარო სივრცეში:

“გაეროს ბავშვთა ფონდი მოუწოდებს ეროვნულ და ადგილობრივ ხელისუფლებას, თავიანთი პასუხისმგებლობის ფარგლებში, სპეციალისტებთან, სამოქალაქო საზოგადოებასთან და კერძო სექტორთან კოორდინირებულად, გააკეთონ ყველაფერი, რათა უზრუნველყონ ბავშვების უსაფრთხოება საჯარო სივრცეში და ხელი შეუწყონ ბავშვების გადარჩენის, თამაშის, დასვენებისა და განვითარების უფლების დაცვას,

ამ ტრაგიკული შემთხვევიდან საჭიროა შესაბამისი გაკვეთილების გამოტანა. ზედმიწევნით უნდა იქნას შესწავლილი უსაფრთხოების ზომები არსებულ საჯარო სივრცეებში და აშენდეს ახალი სივრცეები ბავშვებზე მორგებული ქალაქდაგეგმარების პრინციპების დაცვით.

იმისთვის რომ მსგავსი ტრაგედიები აღარ განმეორდეს, საქართველოს ქალაქები ბავშვებზე მორგებული უნდა იყოს,“ განაცხადა ღასან ხალილმა, გაეროს ბავშვთა ფონდის წარმომადგენელმა საქართველოში.

შეგახსენებთ, 13 ოქტომბერს, ახლადრეაბილიტირებული ვაკის პარკის შადრევანში, ბურთის ამოსატანად ჩასულ სამ მოზარდს დენმა დაარტყა. 13 წლის მარიტა მეფარიშვილის გადარჩენა ექიმებმა ვერ შეძლეს. მომხდართან დაკავშირებით, დაკავებულია 9 პირი. მათ შორის სამუშაოების შემსრულებელი კომპანია “გრინსერვის პლიუსის” დირეტქორი ლაშა ფურცხვანიძე.

წინა სტატიამთავრობა თხილის მოვლა-მოყვანას დაასუბსიდირებს
შემდეგი სტატია2021 წელს ყველაზე მაღალ 2 415 ლარიან ხელფასს მენეჯერები იღებდნენ – საქსტატი
ტელეკომპანია ოდიშის საინფორმაციო სამსახური