ავადმყოფები კიდევ ერთხელ აყენებენ მსოფლიოს საკვების მძიმე კრიზისის ზღვარზე- ზელენსკი

0
212

უკრაინის პრეზიდენტი, ვოლოდიმირ ზელენსკი რუსეთის ბრალდებებს პასუხობს და ამბობს, რომ რუსები “ავადმყოფი ხალხია”.

საუბარია ბრალდებებზე, რომლის მიხედვითაც, რუსეთი ამტკიცებს, რომ ანექსირებულ ყირიმში, სევასტოპოლში 29 ოქტომბერს მათი შავი ზღვის ფლოტის ხომალდებს თავს სამოქალაქო გემიდან დაესხნენ.

“ჯერ მებრძოლ ფრინველებზე ისაუბრეს, მერე მებრძოლ კოღოებზე, ახლა მებრძოლ მარცვლეულებს, რომ ხორბალი არის მკვლელი, რომელიც ახრჩობს რუს ადმილარებს. ავადმყოფი ხალხია, მაგრამ ეს ავადმყოფები კიდევ ერთხელ აყენებენ მსოფლიოს საკვების მძიმე კრიზისის ზღვარზე. რა თქმა უნდა, პარტნიორები ცდილობენ, რომ ტერორისტი სახელმწიფო შანტაჟის ოდნავ შემცირებაზე დაარწმუნონ. ჯერჯერობით ფაქტები იმაზე მიუთითებს, რომ რუსეთის ხელისუფლება უფრო დაინტერესებულია საკვები კრიზისის გაუარესებით, ვიდრე ხელმოწერილი დოკუმენტების შესრულებით, სხვათა შორის, ეს პასუხია ყველასთვის, ვინც რუსეთთან მოლაპარაკებებზე საუბრობს”, – თქვა ზელენსკიმ.

შეგახსენებთ, 29 ოქტომბერს ცნობილი გახდა, რომ რუსეთი მარცვლეულის ექსპორტის შესახებ შეთანხმებიდან ტოვებს და აცხადებს, რომ გადაწყვეტილება სევასტოპოლში, შავი ზღვის ფლოტის გემებზე “თავდასხმების” შემდეგ მიიღო.

უკრაინასა და რუსეთს შორის შეთანხმება მარცვლეულის ექსპორტზე, გაეროსა და თურქეთის შუამავლობით 22 ივლისს გაფორმდა.

წინა სტატიადღე-ღამის განმავლობაში უკრაინაში მოკლული ოკუპანტების რიცხვმა რეკორდულ ნიშნულს მიაღწია
შემდეგი სტატიასაქართველოს მასშტაბით სპეცოპერაცია მიმდინარეობს
ტელეკომპანია ოდიშის საინფორმაციო სამსახური