საქსტატის განახლებული ინფორმაცია – 2021 წლის მონაცემებით, დაკავებული თანამდებობების/პოზიციების მიხედვით, დაქირავებით დასაქმებულთა საშუალო თვიური ნომინალური ხელფასის ყველაზე მაღალი მაჩვენებელი – მენეჯერების პოზიციაზე გამოვლინდა (2 414.7 ლარი).

ხოლო საშუალო ხელფასის ყველაზე დაბალი მოცულობა – არაკვალიფიციური მუშაკების პოზიციაზე დაფიქსირდა (674.1 ლარი).

2021 წლის საშუალო თვიური ხელფასი შესაბამისი პოზიციების მიხედვით:

მენეჯერები – 2 414.7 ლარი;
სპეციალისტი-პროფესიონალები – 1 337.7 ლარი;
ტექნიკოსები და დამხმარე სპეციალისტები – 1193.7 ლარი;
ხელოსნები და მონათესავე სფეროების მუშები – 1 178.6 ლარი;
ოფისის დამხმარე პერსონალი – 1 144.6 ლარი;
დანადგარებისა და მოწყობილობების ოპერატორები და ამწყობები – 1 112.1 ლარი;
მომსახურებებისა და გაყიდვების სფეროებში დასაქმებული პირები – 911.6 ლარი;
სოფლის მეურნეობის სფეროში დასაქმებული კვალიფიციური მუშაკები – 791.5 ლარი;
არაკვალიფიციური მუშაკები – 674.1 ლარი.
ამასთან, ირკვევა, რომ კაცების ხელფასი ყველა პოზიციაზე აღემატება ქალების ხელფასს.