ევროკავშირი 2023 წელს უკრაინისთვის 18 მილიარდი ევროს დახმარების გამოყოფაზე მუშაობს – ლაიენი

0
207

ევროკომისიის პრეზიდენტის, ურსულა ფონ დერ ლაიენი ამბობს, რომ ევროკავშირის ქვეყნები განიხილავენ უკრაინისთვის ყოველთვიური ფინანსური დახმარების გაწევას 1,5 მილიარდი ევროს ოდენობით, შესაბამისად, 2023 წელს დახმარება ჯამში 18 მილიარდი ევროს ფარგლებში იქნება.

ამის შესახებ მან დღეს ბერლინში უკრაინის აღდგენის, რეკონსტრუქციისა და მოდერნიზაციის საერთაშორისო ექსპერტთა კონფერენციის გახსნაზე განაცხადა.

ევროკომისიის პრეზიდენტმა გაიხსენა, რომ უკრაინას თვეში დაახლოებით 3-5 მილიარდი დოლარი სჭირდება ბიუჯეტის მიმდინარე ხარჯების დასაფარად, კერძოდ, ექიმების, მასწავლებლებისა და სამხედროების ხელფასები.

“უკრაინას სჭირდება ძლიერი მხარდაჭერა. ევროკავშირი მზად არის უზრუნველყოს ეს და მე ვმუშაობ წევრ ქვეყნებთან”, – განაცხადა მან.

მიმდინარე წელს უკრაინის თვიური ბიუჯეტის დეფიციტი თვეში 4-5 მილიარდ დოლარად იყო შეფასებული, რომელიც უკრაინამ დაფარა საერთაშორისო პარტნიორების ფინანსური მხარდაჭერით და ეროვნული ბანკის მიერ გრივნას გამოშვებით.

წინა სტატიაუკრაინის ენერგეტიკული სექტორის მესამედზე მეტი განადგურდა – ზელენსკი
შემდეგი სტატიალუგანსკის ოლქში ახალი “კატიოლი” მზადდება – უკრაინელთა წინსვლა გრძელდება
ტელეკომპანია ოდიშის საინფორმაციო სამსახური