ვაკის პარკის საქმეზე დაკავებულებს ბრალს დღეს წარუდგენენ

0
212

ვაკის პარკის ტრაგედიაზე დაკავებულებს ბრალს დღეს წარუდგენენ. 9 დაკავებული წინასწარი მოთავსების იზოლატორშია გადაყვანილი. მათი ნაწილი ბრალს არ აღიარებს, მათ შორის ექსპერტები, რომლებსაც გამოძიება უსაფრთხოების შესახებ მომზადებული დასკვნის გაყალბებას ედავება.

კომპანია “გრინსერვის +-ის” წარმომადგენლების ადვოკატიც ამტკიცებს, რომ ბრალდება აბსურდულია და საქმეში შესაბამისი მტკიცებულებები არ არსებობს.

ვაკის პარკში მომხდარ ტრაგედიაზე დაკავებულთა შორის არიან ელექტრო შემდუღებლები, რომელსაც გამოძიება სამუშაოს არაჯეროვნად შესრულებას და შედეგად, ელექტროსადენების დაზიანებას ედავება, რამაც წყალზე დენის გატარება გამოიწვია. ბრალის დამტკიცების შემთხვევაში დაკავებულებს 2-დან 5 წლამდე პატიმრობა ემუქრებათ.

ცნობისთვის, 13 ოქტომბერს, მოზარდი, რომელსაც ვაკის პარკის შადრევანში ჩასვლის შემდეგ დენმა დაარტყა გარდაიცვალა. მასთან ერთად დაშავდა კიდევ ორი ბავშვი, რომლებიც კლინიკებიდან უკვე გაწერეს. სამი ბავშვი ვაკის პარკის ახლად რეაბილიტირებულ შადრევანში ბურთის ამოსატანად ჩავიდა.

18 ოქტომბერს, შინაგან საქმეთა სამინისტრომ მომხდართან დაკავშირებით 9 პირი, მათ შორის “გრინსერვის პლუსის” დირექტორი, ლაშა ფურცხვანიძე და გარემოს დაცვის საქალაქო სამსახურის უფროსის მოადგილე დააკავა.

წინა სტატიავაკის პარკში მომხდარი ტრაგედიის საქმეზე 9 პირი დააკავეს
შემდეგი სტატიაუნდა გავაძლიეროთ პოლიტიკური პარტნიორობა, თანამშრომლობა და დიალოგი საქართველოსთან – სტოლტენბერგი
ტელეკომპანია ოდიშის საინფორმაციო სამსახური