რუსებმა ზაპოროჟიეს ატომური ელექტროსადგურის 2 თანამშრომელი გაიტაცეს

0
250

“ენერგოატომი” აცხადებს, რომ რუსმა დამპყრობლებმა კვლავ გაიტაცეს ზაპოროჟიეს ატომური ელექტროსადგურის თანამშრომლები. უწყების ცნობით, 17 ოქტომბერს დააკავეს და გაურკვეველი მიმართულებით წაიყვანეს ქარხნის ორი მუშა.

საუბარია ატომური ელექტროსადგურის საინფორმაციო ტექნოლოგიების სამსახურის ხელმძღვანელ ოლეგ კოსტიუკოვზე და ქარხნის გენერალური დირექტორის ოლეგ ოშეკის თანაშემწეზე.

“ენერგოატომი” ამბობს, რომ არაფერია ცნობილი მათი ადგილსამყოფელისა და მდგომარეობის შესახებ.

კომპანიამ მიმართა ატომური ენერგიის საერთაშორისო სააგენტოს გენერალურ დირექტორს რაფაელ გროსს და მსოფლიო საზოგადოებას, გამოიყენონ ყველა შესაძლო ზომა ZNPP-ის მუშაკების ტყვეობიდან გასათავისუფლებლად და მათი სამსახურში დაბრუნების ხელშეწყობისთვის.

წინა სტატია“ვცდილობთ, დავარწმუნოთ “ქართული ოცნება”, შეწყვიტოს პოლიტიკური თამაშები”- კუბილიუსი
შემდეგი სტატია65 850 ჯარისკაცი, 2 548 ტანკი – უკრაინის გენშტაბის მონაცემები რუსეთის დანაკარგზე
ტელეკომპანია ოდიშის საინფორმაციო სამსახური