“მხარს დავუჭერთ საქართველოსა და მოლდოვას ევროპულ მისწრაფებებს” – ბაიდენი

0
208

შეერთებული შტატების ეროვნული უსაფრთხოების ახალ სტრატეგიაში ბაიდენის ადმინისტრაცია საქართველოსა და მოლდოვასთან თანამშრომლობის გაღრმავებასა და მხარდაჭერაზე წერს.

დოკუმენტის ერთ-ერთ თავში ევროპასთან ალიანსის გაღრმავებაზეა საუბარი. განცხადებაში წერია, რომ აშშ საქართველოსა და მოლდოვას ევროპულ მისწრაფებებსა და მნიშვნელოვანი რეფორმების მიმართ ერთგულებას მხარს დაუწერს:

“რამდენადაც მხარს ვუჭერთ უკრაინას, ჩვენ ასევე ვიმუშავებთ სხვა დემოკრატიული ქვეყნების სტაბილურობისა და გამძლეობის გასაძლიერებლად. ჩვენ მხარს დავუჭერთ საქართველოსა და მოლდოვას ევროპულ მისწრაფებებს და მათ ერთგულებას მნიშვნელოვანი ინსტიტუციური რეფორმების მიმართ. ჩვენ დავეხმარებით პარტნიორებს დასავლეთ ბალკანეთში დემოკრატიული ინსტიტუტების, კანონის უზენაესობისა და ეკონომიკური განვითარების განმტკიცებაში, ჩვენ მხარს დავუჭერთ დიპლომატიურ ძალისხმევას სამხრეთ კავკასიაში კონფლიქტის მოსაგვარებლად”, – ვკითხულობთ დოკუმენტში.

წინა სტატიაუკრაინელი ხალხი და ვოლოდიმირ ზელენსკი სახაროვის პრემიაზე წარადგინეს
შემდეგი სტატიაკრემლი ისევ ამტკიცებს, რომ ყირიმის ხიდის აფეთქებაში საქართველოს 2 მოქალაქე მონაწილეობდა
ტელეკომპანია ოდიშის საინფორმაციო სამსახური