ყირიმის ხიდზე აფეთქების გამო რუსეთმა 8 პირი დააკავა – კრემლი ამბობს, რომ მომხდარში ქართველებიც მონაწილეობდნენ

0
208

რუსეთის უშიშროების ფედერალურმა სამსახურმა (FSB) ყირიმის ხიდის აფეთქებაში უკრაინის დაზვერვის უფროსი კირილ ბუდანოვი დაადანაშაულა. მათი თქმით, GUR-ის აგენტებმა ასაფეთქებელი ნივთიერება შენიღბეს და პოლიეთილენის ფირის რულონებში დამალეს, რომელთა საერთო წონა 22 ტონაზე მეტი იყო. ამის შემდეგ, აგვისტოს დასაწყისში, იგი გაგზავნეს ოდესის პორტიდან ბულგარეთის ქალაქ რუსეში.

რუსეთის სპეცსამსახურებმა ხაზგასმით აღნიშნეს, რომ აფეთქებაში სავარაუდოდ უკრაინისა, საქართველოს მოქალაქეები, ასევე ერთი სომხეთის მოქალაქე მონაწილეობდა. მათივე თქმით, 12 მონაწილე, სავარაუდოდ, უკვე იდენტიფიცირებულია, მათგან 8 დაკავებულია.

РИА Новости ФСБ-ის საზოგადოებასთან ურთიერთობის ცენტრზე დაყრდნობით ამბობს, რომ “ტერაქტის ფაქტზე” დაკავებულთაგან ხუთი რუსია, სამი უკრაინის და სომხეთის მოქალაქეა. რუსული მედია Tass წერს, რომ ასაფეთქებელი ნივთიერების ტვირთი ყირიმში არარსებულ კომპანიას ეგზავნებოდა.

“აგვისტოს დასაწყისში, ტვირთი გაიგზავნა ოდესის საზღვაო პორტიდან ბულგარეთის რუსზე ხელშეკრულებით No02/08/2022 კიევის კომპანია Translogistic UA LLC-სა და ბულგარულ Baltex Capital S.A-ს შორის.

ბულგარეთიდან იგი საქართველოს პორტის ფოთისკენ გაემართა, შემდეგ კი სომხეთში.

გადაცემაში მონაწილეობდნენ უკრაინის მოქალაქეები ციურკალო მიხაილ ვლადიმროვიჩი, კოვაჩი დენის ოლეგოვიჩი, სოლომკო რომან ივანოვიჩი, საქართველოს მოქალაქეები ინოსარიძე სანდრო, ბროკერი სახელად “ლევანი” და სომხეთის მოქალაქე არტურ ტერჩანიანი.

29 სექტემბრიდან 3 ოქტომბრის ჩათვლით, ერევანში, ტრანსალიანსის ტერმინალში, ტვირთის განბაჟება EAEU-ს (ევრაზიის ეკონომიკური კავშირი) წესებით განხორციელდა და საბუთები შეიცვალა. ახლა გამგზავნი არის შპს „GU AR GROUP“ (სომხეთი, ალავერდი), მიმღები კი შპს „ლიდერი“ (მოსკოვი).

საქართველოში რეგისტრირებული DAF-ის სატვირთო მანქანაზე ტვირთმა რუსეთ-საქართველოს საზღვარი 4 ოქტომბერს ზემო ლარსის საგუშაგოზე გადაკვეთა, ორი დღის შემდეგ კი არმავირის საბითუმო ბაზაზე მიიტანეს და გადმოიტვირთა.

7 ოქტომბერს უკრაინის მოქალაქის რ.სოლომკოს, ვლადიმერ ვასილიევიჩ ზლობისა და რუსეთის კიდევ ხუთი მოქალაქის დახმარებით, ტვირთის საბუთები კვლავ შეიცვალა. გამგზავნად მითითებული იყო შპს TEK-34 ულიანოვსკიდან, ხოლო ყირიმში არარსებული კომპანია მითითებული იყო მიმღებად.

ტვირთის მოძრაობას მთელ მარშრუტზე უკრაინის თავდაცვის სამინისტროს მთავარი სადაზვერვო სამმართველოს თანამშრომელი აკონტროლებდა, რომელიც სქემის მონაწილეებს „ივან ივანოვიჩის“ სახელით გააცნო. ქმედებების კოორდინაციისთვის მან გამოიყენა ვირტუალური ანონიმური ნომერი, ასევე ტელეფონი, რომელიც რეგისტრირებულია კრემენჩუგის მკვიდრ სერგეი ანდრეიჩენკოსთან.”- წერს РИА Новости.

რუსული მხარის ვერსიით, 8 ოქტომბერს, გამთენიისას ყირიმის ხიდზე სატვირთო მანქანა აფეთქდა, რის შემდეგაც გამვლელი მატარებლის საწვავის შვიდ ავზს ცეცხლი გაუჩნდა.

წინა სტატიაუკრაინაში დაღუპულ ედიშერ კვარაცხელიას დღეს, სავარაუდოდ, კიევში გადაასვენებენ
შემდეგი სტატიაარახამია: ისტორიიდან ვიცით, რომ სარაკეტო ტერორი დიქტატორის ერთ-ერთი ბოლო არგუმენტია
ტელეკომპანია ოდიშის საინფორმაციო სამსახური