ჩეხეთი უკრაინას 30 ერთეულ T-72M4CZ-ს ტიპის ტანკს გაუგზავნის, სანაცლოდ კი გერმანიისგან Leopard 2A4-ის ტანკებს და დაჯავშნულ სარემონტო-საევაკუაციო მანქანა Buffalo-ებს მიიღებს.

ზემოხსენებული ჩეხური ტანკი არის T-72M1-ის მოდერნიზებული ვერსია. განახლება შეეხო ტრანსმისიას და ძრავს -780-ის ნაცვლად 1000 ცხენისძალიანი ძრავი დაუყენეს.

განახლდა ცეცხლის მართვის სისტემა- ეკიპაჟის ყველა წევრს ღამის და სითბური ხედვის სამიზნეები გააჩნით – ტანკის მეთაურებისთვის დაყენდა პანორამული ხედვის კამერები . განახლების ფარგლებში ტანკს კავშირგაბმულობის და Gps ნავიგაციის ახალი სისტემაც დაემატა.

T-72M4CZ აღჭურვილია ლაზერული გამაფრთხილებელი სისტემით , რომელიც აფრთხილებს მეთაურს მაშინ , როდესაც ლაზერული მანძილმზომით ტანკსაწინააღმდეგო ლაზერით მართვადი სისტემიდან , ან ტანკიდან უმიზნებენ. აღნიშნული სისტემა ამცნობს მეთაურს, თუ რომელი მიმართულებიდან და რა მანძილიდანაა ტანკი მიზანში ამოღებული.

ზემოხსენებული ტანკისთვის ახალი ტიპის 125მმ-იანი ჯავშანგამტანი ჭურვებიც დამზადდა , რომლის ფონზეც მათ მიერ ჯავშნის პენეტრაცია გაზრდილია.

რა თქვა თეთრმა სახლმა უკრაინისთვის რაკეტების გადაცემაზე