რა მარშრუტი გაიარა, სად იყო დამალული მოწყობილობა – როგორ დაიგეგმა ყირიმის ხიდის აფეთქება

0
312

რა მარშრუტი გაიარა, სად იყო ასაფეთქებელი მოწყობილობა დამალული, რამდენი მანქანა იყო გადაზიდვაში ჩართული – ყირიმის ხიდის აფეთქების შესახებ ახალ და სენსაციურ დეტალებს რუსული მედია ასაჯაროვებს, რაც კიდევ უფრო ამყარებს ეჭვს, რომ დივერსიული აქტი, შესაძლოა, თავად რუსეთის სპეცსამსახურების მოწყობილი იყოს. 

რუსული მედიის ნაწილი ავრცელებს ინფორმაციას, რომ ФСБ-ს მონაცემებით, ტერაქტში ჩართული იყო ორი სატვირთო მანქანა. ტერაქტის მომზადების სხვადასხვა ეტაპზე მასში ჩართული იყვნენ როგორც რუსეთის, ასევე სხვა ქვეყნების მოქალაქეები.

“კომსომოლსკაია პრავდას” კორესპონდენტის თქმით, ასაფეთქებელი მოწყობილობა ბულგარეთიდან იყო გამოგზავნილი. ის ტვირთის შიგნით იყო ჩამალული, საერთო ჯამში მანქანაში 22 ე.წ. “პოდონი” და 9 ხვეული იყო. ასაფეთქებელი მოწყობილობა ისე იყო დამალული, რომ რენტგენის მოწყობილობას ვერ უნდა გამოევლინა.

ტვირთი ბულგარეთიდან საქართველოში, ფოთის პორტში ჩამოვიდა, იქედან კი ტრაილერმა ის სომხეთში გადაიტანა, სადაც ტვირთი განბაჟდა. ამის შემდეგ მანქანა დაბრუნდა საქართველოში და გადაკვეთა რუსეთის საზღვარი ზემო ლარსზე. ბოლო პუნქტი არმავირი იყო, საიდანაც სხვა ტრაილერმა ის ყირიმისკენ წაიღო. სწორედ ეს ტრაილერი აფეთქდა ყირიმის ხიდზე.

პირველი ტრაილერის მძღოლი ახლა აძლევს ჩვენებას. ჯერჯერობით რაც იკვეთება, ისაა, რომ ორივე ტრაილერის მძღოლი ბრმა შერჩევის მსხვერპლია და მათ არ იცოდნენ, რა ტვირთი გადაჰქონდათ სინამდვილეში. 

ტრაილერის მძღოლმა შეკვეთა ინტერნეტით აიღო და საქართველოც გაიარა – ახალი დეტალები ყირიმის ხიდის საქმეში

წინა სტატიალუგანსკის ოლქში 7 ახალი დასახლება, ხერსონის ოლქში – 1.170 კვ.კმ – უკრაინა ტერიტორიას იბრუნებს
შემდეგი სტატიაკიევის ცენტრში ძლიერი აფეთქებების ხმა ისმის
ტელეკომპანია ოდიშის საინფორმაციო სამსახური