წარმატებული კონტრშეტევების ფარგლებში ხერსონის ოლქში უკრაინელმა სამხედროებმა ოკუპაციისგან 1170 კვადრატული კილომეტრის მოცულობის ტერიტორია გაათავისუფლეს, ლუგანსკის ოლქში კი 7 დასახლებული პუნქტი: ნოვოლუბოვკა; ნეცსკოე; გრეკოვკა; ნოვოეგოროვკა; ნადია; ანდრეევკა; სტელმახოვკა დეოკუპირებულია. ამასთან, შეტევა და წინსვლა გრძელდება. 

ამ მნიშვნელოვანი ამბის გარდა, გასული დღე-ღამე იმითაც იყო გამორჩეული, რომ რუსეთმა დაუნდობელი სარაკეტო იერიში განახორციელა ზაპოროჟიის მხარესზე. ზოგადად, ზაპოროჟიეში, 13 ადამიანი დაიღუპა, ხოლო მთლიანად, რეგიონებში დაღუპულთა რიცხვი 43 შეადგენს. 

უკრაინის სარაკეტო-საარტილერიო ძალებმა 200-ზე მეტი საცეცხლე დავალება შეასრულეს, განადგურებულია:

 83 ოკუპანტი,
 4 ტანკი,
 4 ჰაუბიცა «Мста-Б»,
 2 ერთეული 120 მმ-იანი ნაღმმტყორცნი,
 7 ერთეული ჯავშანტექნიკა.

ასევე, განადგურებულია:

 საბრძოლო მასალების სამი საწყობი ხერსონისა და ბერისლავის რაიონებში და ერთი სამეთაურო პუნქტი კახოვკაში.

შოიგუ და გერასმოვი, სავარაუდოდ, თავდაცვის მინისტრობიდან და გენშტაბის უფროსობიდან გადააყენეს, – მიიჩნევს აშშ ომის შემსწავლელი ინსტიტუტი.

შესაძლოა,შოიგუ ტულის გუბერნატორმა ალექს დიუმინმა ჩაანაცვლოს, გერასიმოვი კი სახმელეთო ჯარების მეთაურმა გენერალ-ლეიტენანტმა ალექსანდრე მატოვნიკოვმა.

აშშ-ის კონგრესში შეტანილია კანონპროექტი ტერორისტ-სახელმწიფოდ რუსეთის აღიარებისა და უკრაინაში რუსეთის მიერ ცადენილი დანაშაულის უკრაინელთა გენოციდად ცნობის შესახებ.

მოსკოვის ერთ-ერთი სკოლის დირექტორმა შსს-ში უჩივლა მეხუთეკლასელ მოსწავლეს, მისი ლურჯ-ყვითელი (უკრაინის დროშის ფერებში) ავატარის გამო, სკოლაში გამოცხადებულმა პოლიციელებმა კი გოგონა გაკვეთილის მიმდინარეობისას დააკავეს და დასაკითხად განყოფილებაში გადაიყვანეს.

ტრაილერის მძღოლმა შეკვეთა ინტერნეტით აიღო და საქართველოც გაიარა – ახალი დეტალები ყირიმის ხიდის საქმეში