რუსეთსი რომ მობილიზაცია ვერანაირ კრიტიკას ვერ უძლებს და თავად რუსეთის მოქალაქეები იგდებენ ამ პროცესსს აბუჩად, ბევრი რამიდან ჩანს. დავიწყოთ იმით, რომ ათეულობით სამხედრო კომისარია გათავისუფლებული თანამდებობიდან მას შემდეგ, რაც გაწვევის უწყების ჩაბარებაში დიდი ხარვეზების გამო საზოგადოებამ უკმაყოფილება გამოთქვა.
მობილიზაციის გამოცხადებიდან რამდენიმე დღეში კომისარიატების ახლოს ალკოჰილის გაყიდვა 300 მეტრის რადიუსში აიკრძალა მას შემდეგ, რაც მთვრალი მობილიზებულებისა და მათი ერთმანეთისთვის თავ-პირის მტვრევის კადრებმა მთელი მსოფლიო მოიარა.
თუმცაა მან საქმეს ვერ უშველა – მალე გავრცელდა კადრები, სადაც მწყობრში მდგარი მობილიზებულები გადამალული არაყის ბოთლებიდან პირდაპირ წრუპავენ, მეგობრების ზურგს ამოფარებულები.
ცეცხლოდებული კომისარიატის შენობები რუსეთში არც მანამდე იყო უცხო ხილი, მაგრამ 21 სექტემბრიდან 2 ოქტომბრამდე რუსეთის სხვადასხვა რეგიონების ქალაქებში სამხედრო კომისარიატების დაწვა 18-ჯერ სცადეს. ბოლო ასეთი შემთხვევა ყაზანში დაფიქსირდა, სადაც სამხედრო კომისარიატის შენობას “მოლოტოვის კოქტეილი” მეთერთმეტეკლასელმა გოგომ, შეყვარებულის მობილიზაციის გამო ესროლა.
ზოგჯერ კი, მაგალითად, ამ ახალ ვიდეოში, რუსი მობილიზებულები პროცესის დეტალებს პირდაპირ მწყობრიდან გვიყვებიან: “არც ავტომატები მოგვცეს, არც ჩაგვაცვეს, არც დაგვახურეს, ნახევარზე მეტი პახმელიაზეა…”, – ჩივის მობილიზებული.
“წადი, რუსულად ისწავლე!..” – აფხაზეთიდან ჩარიცხულ სტუდენტს ლექტორებმა დასცინეს