ვლადიმირ პუტინის გამოსვლის დასრულებისთანავე, რა დროსაც მან უკრაინის ოკუპირებული ტერიტორიები რუსეთის ნაწილებად გამოაცხადა, ყირიმის ნახევაკუნძულზე რამდენიმე ძლიერი აფეთქება მოჰყვა.
აფეთქებების შესახებ ადგილობრივი მცხოვრებლები წერენ და მიანიშნებენ, რომ ხმა თითქმის ყველა დასახლებულ პუნქტში ისმოდა, რაც ნიშნავს, რომ სავარაუდოდ, უკრაინელთა იერიშის სამიზნე ერთდროულად რამდენიმე ლოკაცია გახდა.
იალტა, ალუპკა, სპარტაკი – ეს ის დასახლებული პუნქტებია დროებით ოკუპირებულ ყირიმში, სადაც მოსახლეობა აფეთქების ხმებმა ძალიან შეაწუხა.
შეგახსენებთ, ვლადიმირ პუტინმა რუსეთის შემადგენლობაში უკრაინის ოკუპირებული ტერიტორიების – ხერსონის ზაპოროჟიეს, დონეცკისა და ლუგანსკის ოლქების მიერთების შესახებ განაცხადა.
მან კიევი ომის გაჩაღებაში დაადანაშაულა და მოსთხოვა, დაუყოვნებლივ შეწყვიტოს საომარი მოქმედებები და დაუბრუნდეს მოლაპარაკების მაგიდას: “მაგრამ ხერსონის, ზაპოროჟიის, დონეცკისა და ლუგანსკის მოსახლეობის არჩევანი არ გადაიხედება, ისინი ჩვენი მოქალაქეები გახდნენ – სამუდამოდ!” – დაამატა რუსეთის პრეზიდენტმა.
“ისინი ჩვენი მოქალაქეები გახდნენ – სამუდამოდ!” – რუსეთმა ახალი მიწები “შემოიმტკიცა” (ვიდეო)