აფხაზეთში ჩასვლას “ვიზიტს” აღარ უწოდებს, მის გვერდზე სათაური შერბილებულია – კობახიძე ლუკაშენკოზე

0
198

„ქართული ოცნების“ თავმჯდომარის ირაკლი კობახიძის განცხადებით, ალექსანდრე ლუკაშენკოს ვებ-გვერდზე განახლებული ინფორმაციის თანახმად, ბელარუსის პრეზიდენტი ოკუპირებულ აფხაზეთში ჩასვლას „ვიზიტს“ აღარ უწოდებს და “სათაური შერბილებულია“.

“დღეს საკმაოდ საინტერესო სათაურით გამოქვეყნდა თავად ლუკაშენკოს გვერდზე მისი ე.წ. ვიზიტის ამსახველი ინფორმაცია, იქ ეწერა, რომ ის იყო ჩასული შავი ზღვის ჩრდილო-აღმოსავლეთ სანაპიროზე, აფხაზეთში ვიზიტს კი არ უწოდებს. თავიდან იყო საუბარი აფხაზეთში ვიზიტზე, რაც მისი მხრიდან იყო თუ არ ვცდები, ნათქვამი და ამის შემდეგ შერბილებულია უკვე ეს სათაური და საუბარია იმაზე, რომ ჩავიდა არა აფხაზეთში, არამედ შავი ზღვის სანაპიროს ისტორიული ადგილები მოინახულა. ეს ჟესტია თავისთავად რაღაცის მანიშნებელი, იმის მანიშნებელი, რომ ჩვენ შეგვიძლია დავიტოვოთ იმედი არაღიარების პოლიტიკის შენარჩუნებასთან დაკავშირებით და ამ კუთხით, რა თქმა უნდა, ჩვენი მხრიდან ყველაფერი უნდა გაკეთდეს“, – განაცხადა ირაკლი კობახიძემ გუშინ, 29 სექტემბერს, “პალიტრანიუსის” ეთერში.

ლუკაშენკო ოკუპირებულ აფხაზეთში 28 აგვისტოს ჩავიდა და ე.წ. პრეზიდენტს, ასლან ბჟანიას შეხვდა.

წინა სტატიასისხლისმსმელო ნაძირლებო, ყველა დაკარგულ უკრაინულ სიცოცხლეზე აგებთ პასუხს – ზელენსკი ზაპოროჟიეზე
შემდეგი სტატია2022 წლის მარტი-ივლისის პერიოდში საქართველოში ბინადრობის ნებართვა 1 598 რუსზე გაიცა
ტელეკომპანია ოდიშის საინფორმაციო სამსახური