19-20 აგვისტოს განმავლობაში უკრაინელმა მებრძოლებმა, მხოლოდ სამხრეთის ფრონტზე, ორი საბრძოლო მასალის საწყობი და ერთი რუსული ბაზა გაანადგურეს.
განადგურებულია რუსული ჯავშანკოლონა, რომელიც მარიუპოლიდან ზაპოროჟიის მიმართულებით გავიდა, უკრაინელ არტილერიოსტებს კოორდინატები მარიუპოლელმა პარტიზანებმა მიაწოდეს.
განადგურებულია რუსული ბაზა მელიტოპოლში, ასევე განადგურდა და დაზიანდა ჯავშანტექნიკა ამავე ქალაქის გარეუბანში.
რუსმა ოკუპანტებმა რამდენიმე სარაკეტო იერიში ისევ მიიტანეს ხარკოვის ინფრასტრუქტურაზე.
ხარკოვთან ერთად, აფეთქებები ისმოდა მიკოლაევშიც.
აფეთქებების ხმა ისმოდა ბელგოროდშიც (რუსეთი), რის შემდეგაც, ქალაქიდან გასვლის მსურველი მანქანების დიდი რიგი წარმოიქმნა.
ღამის განმავლობაში რამდენჯერმე ჩაირთო საჰაერო განგაშის სირენა სევასტოპოლსა და ქერჩში, მუშაობდნენ ჰაერსაწინააღმდეგო სისტემები.
საერთო ჯამში, უკრაინელებმა რუს ოკუპანტებს უკან დაახევინეს ერთდროულად 4 მიმართულებაზე.
პენტაგონის მაღალჩინოსანმა, უწყების ხელთ არსებული ინფორმაციის ანალიზის საფუძველზე განაცხადა, რომ რუსულ შენაერთებს ბრძოლის ველზე აღარ აქვთ არანაირი პროგრესი.