“პუტინმა მთლიანად წააგო საინფორმაციო ომი უკრაინასა და დასავლეთში. შეჭრიდან ექვსი თვის შემდეგ ჩვენთვის ცხადია, რომ არა მხოლოდ რუსეთის გეგმები ქვეყნის ფიზიკურად ხელში ჩაგდებაზე, არამედ ვირტუალური შეტევის გეგმებიც ჩავარდა უკრაინაში” – აცხადებს ბრიტანეთის დაზვერვის სამსახურის უფროსი.

The Economist -ის სტატიაში ჯერემი ფლემინგი აღნიშნავს, რომ რუსეთიც და უკრაინაც ჩართული არიან კიბერ ომში და ორივე მხარე იყენებს კიბერ შესაძლებლობებს მიზნების მისაღწევად.

მისი თქმით, ბრიტანეთის დაზვერვა დიდი ხანია აკვირდება რუსეთის ქმედებებს კიბერსივრცეში და სადაზვერვო სააგენტოებმა იციან, რომ კრემლმა უკრაინაში აგრესია ჯერ კიდევ 24 თებერვლამდე და უკრაინის ქალაქების დაბომბვამდე დაიწყო.

“ერთი თვით ადრე რუსულმა სამხედრო დაზვერვამ გამოიყენა WhisperGate მავნე პროგრამა უკრაინის სამთავრობო სისტემების განადგურებამდე დასაზიანებლად. ხოლო უკრაინაში შეჭრამდე ერთი საათით ადრე რუსეთმა შეუტია ViaSat სატელიტურ ქსელებს, რომლებსაც უკრაინელი სამხედროები, მთავრობა და მშვიდობიანი მოსახლეობა იყენებდა”, – იხსენებს ფლემინგი.