უკვე ორი დღეა ოჯახი დავით ნოზაძეს ეძებს, რომელიც ქუთაისის სამხედრო ბაზაზე, მე-3 ქვეით ბრიგადაში მსახურობს. როგორც ირკვევა სამხედროს კვალი მას შემდეგ იკარგება, რაც მან გუშინ საკუთარი სახლი დილის 6 საათზე დატოვა და წესით სამსახურში უნდა წასულიყო. ოჯახი იტყობინება რომ დავით ნოზაძე სამხედრო ბაზაზე ფეხით გადაადგილდებოდა, თუმცა მას მერე რაც სამსახურში არ გამოცხადდა, ნათესავების ცნობით, მის ძებნაში სამხედრო პოლიცია და პატრული ჩაერთო. თავდაცვის სამინისტროში მთავარ არხს განუცხადეს, რომ დაკარგულ სამხედროზე ინფორმაციას ამოწმებენ.