მთავარისიახლეები„გადახდისუუნარობა - კრიზისი, როგორც შესაძლებლობა"- კონფერენცია თბილისში

„გადახდისუუნარობა – კრიზისი, როგორც შესაძლებლობა”- კონფერენცია თბილისში

Published on

ბიზნესის რეაბილიტაციისა და გადახდისუუნარობის პრაქტიკოსთა ასოციაციამ (ბრიპა), USAID-ის ეკონომიკური მმართველობის პროგრამის მხარდაჭერით, გამართა კონფერენცია: „გადახდისუუნარობა – კრიზისი, როგორც შესაძლებლობა.“
კონფერენცია მიზნად ისახავდა ბიზნესის წარმომადგენლების ინფორმირებას
,,რეაბილიტაციისა და კრედიტორთა კოლექტიური დაკმაყოფილების შესახებ“ საქართველოს კანონის აღსრულების პროცესის თაობაზე და კანონის ფარგლებში გაჩენილი ახალი შესაძლებლობების გამოყენების სტიმულირებას. ღონისძიებას, 40-მდე მონაწილე დაესწრო კერძო და საჯარო სექტორებიდან.
ღონისძიება გახსნეს საქართველოს იუსტიციის მინისტრის მოადგილემ, ერეკლე
ღვინიანიძემ, USAID-ის ეკონომიკური ზრდის ოფისის დირექტორმა, მარიკა ოლსონმა და ბრიპას თავმჯდომარემ, ნანა ამისულაშვილმა.
ბრიპას წარმომადგენლებმა ისაუბრეს, პროფესიული ასოციაციის მნიშვნელობაზე,
გადახდისუუნარობის რეფორმის წარმატებით განხორციელების პროცესში. USAID-ის
ეკონომიკური მმართველობის პროგრამამ, ბრიპასთან მჭიდრო თანამშრომლობით, ხელი შეუწყო გადახდისუუნარობის პრაქტიკოსთა პროფესიის განვითარებას და ავტორიზებული პრაქტიკოსების სერტიფიცირებას. შედეგად, უკვე დარეგისტრირებულია 23 ავტორიზებული პრაქტიკოსი.
კონფერენციის პირველი პანელი დაეთმო ახალი პროფესიის განვითარების
პერსპექტივებს და გამოწვევებს, მეორე კი, კანონის ძალაში შესვლიდან ერთი წლის
განმავლობაში მიღებული შედეგებისა და პრობლემების განხილვას. USAID-ის ეკონომიკური მართველობის პროგრამის გრანტის ფარგლებში, ბრიპა აწარმოებს კანონის აღსრულების მონიტორინგს და იკვლევს იმ ხარვეზებს, რომლებმაც შესაძლებელია ხელი შეუშალონ, როგორც კანონის აღსრულებას, ისე ერთგვაროვანი სასამართლო პრაქტიკის ჩამოყალიბებას.
USAID-ი გააგრძელებს კანონის ეფექტიანი განხორციელების მხარდაჭერას საქართველოს
ეკონომიკის მდგრადი განვითარებისთვის. გადახდისუუნარობის სისტემის რეფორმა USAID-ის ეკონომიკური მმართველობის პროგრამის მნიშვნელოვანი მიმართულებაა, რადგან მისი წარმატება უზრუნველყოფს როგორც ბიზნესის, ისე ინვესტორების, უსაფრთხოებას და
კომპანიების ფინანსურ სიჯანსაღეს.

სიახლეები

“ადამიანების მიზანში ამოღება ძირს უთხრის საქართველოში სამართალს, დემოკრატიას და კანონის უზენაესობას” -აშშ-ის საელჩო დაკავებულებზე პოლიციის მხრიდან ძალადობას ეხმაურება

"აშშ-ის საელჩოსა და სხვა დიპლომატიური კორპუსის წარმომადგენლები დაესწრნენ საქართველოს იმ მოქალაქეების სასამართლო პროცესებს, რომლებიც...

ბრიტანული სანქციების დაწესების შემთხვევაში, სანქციებში მოყვება ივანიშვილების ოჯახის 95-ზე მეტი ქართული კომპანია – TI

დიდი ბრიტანეთის მიერ ბიძინა ივანიშვილის დასანქცირების შემთხვევაში, სანქციებში მოყვება ივანიშვილების ოჯახის 95-ზე მეტი ქართული...

თოვლი, ძლიერი ქარი და შტორმი -18-20 იანვარს საქართველოში ამინდი გაუარესდება

გარემოს ეროვნული სააგენტოს ინფორმაციით, 18-20 იანვარს საქართველოში მოსალოდნელია ნალექი, მთაში თოვლი, ზოგან ძლიერი, მაღალმთაში...

თემურ ქათამაძემ იზოლატორში შიმშილობა დაიწყო

ბათუმელმა მედროშემ, თემურ ქათამაძემ, რომელიც 16 იანვარს დააკავეს, შიმშილობა დაიწყო - ამის შესახებ ბათუმის...