სერგეი კოროტკიხი, მეტსახელად “ბოცმანი”, რომელმაც პოლკი “აზოვი” ორ ქართველთან ერთად დააფუძნა, ჰყვება: –

„რასაც ახლა „აზოვი” აკეთებს მარიუპოლში, მსოფლიოში არცერთ არმიას არ შეუძლია მსგავსი შედეგის დადება.

როცა ლაპარაკობენ ვიღაც დასავლელ ინსტრუქტორებზე, რომლებიც თითქოს ჩვენ გვამზადებდნენ, ეს სისულელეა. სინამდვილეში, „აზოვი” შევქმენით მე და ორმა ქართველმა მოხალისემ 2014 წელს – ბახვა ჩიქობავამ (რომელიც გარდაიცვალა მარიუპოლის დაცვისას) და გიორგი ყუფარაშვილმა (რომელიც მძიმედ დაიჭრა მარიუპოლის დაცვისას და ახლა მკურნალობს ვინიცაში).

ასევე, დაგაინტერესებთ:

რამდენიმე ჭკუიდან შეიშალა, სხვებსაც ფსიქიკური პრობლემები აქვთ – რა ემართებათ რუს სამხედროებს

ჩვენზე, სამივეზე, თითო მილიონ დოლარს იხდიდნენ რუსები ჯერ კიდევ 2014 წლის აგვისტოში. ახლა ფასი გაუზრდიათ, როგორც გავიგე. ასე რომ, არანაირი ნატოს ინსტრუქტორები არ არსებულან არასდროს… რა ნატო?..

ჩვენ თვითონ შევქმენით სერჟანტთა და ოფიცერთა სკოლები – და ეს 90% გიორგი ქუფარაშვილის დამსახურებაა.

გიორგი შვიდი წლის განმავლობაში ეწეოდა წვრთნას და ვარჯიშს, მან შეიმუშავა მარიუპოლის თავდაცვის გეგმა და სწორედ ამ გეგმის მიხედვით ვიცავთ ახლა მარიუპოლს. გიორგის იშვიათად ახსენებენ და ეს უსამართლობაა…

მაიკო ჯავახიშვილის თარგმანი

–

ჩვენთან უკვე 1000-ზე მეტი ადამიანი ეცნობა უკრაინიდან ამბებს ყველაზე სწრაფად, ყველაზე ოპერატიულად, ყველაზე ამომწურავად, განსხვავებულად და ყველაზე ხარისხიანად. დღეში, მინიმუმ, 30-40 ადამიანი ირჩევს ჩვენს ტელეგრამ-არხს.