ლენინგრადის ოლქის ქალაქ ლუგაში განთავსებული 25-ე ცალკეული მოტომსროლელი ბრიგადის სამხედრო მოსამსახურეებს, რომლებიც მონაწილეობდნენ “სამხედრო სპეცოპერაციაში”, სერიოზული ფსიქიკური პრობლემები აქვთ, რაც პირადი შემადგენლობის ჯარისკაცების დიდი რაოდენობით დაკარგვას უკავშირდება.

მათი გამოკვლევის მიზნით, სანკტ პეტერბურგიდან ლუგაში გაიგზავნა ექიმ-ფსიქიატრთა ჯგუფი, რომლებმაც დაადგინეს, რომ სამხედრო მოსამსახურეთა 70%-ს პოსტტრავმული სინდრომის ნიშნები აქვს.

ამ ბრიგადას ჰქონდა დავალებული, 24 თებერვალს აეღო ხარკოვი და პოზიციები ძირითადი ძალის გამოჩენამდე შეენარჩუნებინა. კოლონის დიდი ნაწილი ჯერ კიდევ ქალაქის შესავლელშივე გაანადგურეს. მეთაური მოკვდა. ასობით სამხედრო ან უგზო-უკვლოდ დაიკარგა, ან ტყვედ ჩავარდა. ბრძოლისუუნაროები და ცოცხლად გადარჩენილები რუსეთის ტერიტორიაზე, დისლოკაციის ადგილას გადაიყვანეს.

დღეისთვის, სისხლის სამართლებრივი პასუხისმგებლობის პერსპექტივის მიუხედავად, 140-მა მებრძოლმა ომში მონაწილეობაზე უარი თქვა.

აღსანიშნავია, რომ ბოლო დღეებში სამსახურზე უარის თქმის განცხადება მოტომსროლელი ბრიგადიდან 26-მა ადამიანმა, ხოლო საარტილერიო ბრიგადიდან 114-მა ადამიანმა დაწერა.

–