დიდი ბრიტანეთის თავდაცვის სამინისტრო დაზვერვაზე დაყრდნობით იტყობინება, რომ რუსეთის ფედერაციის შეიარაღებული ძალები ეცდებიან, გვერდი აუარონ ქალაქ ნიკოლაევს, რათა თავს დაესხან ოდესას.
ამ მონაცემების თანახმად, რუსი სამხედროები ცდილობენ ალყაში მოაქციონ უკრაინული არმია აღმოსავლეთიდან, ხარკოვისა და მარიუპოლის მიმართულებით.
შეგახსენებთ, რომ რუსულმა მხარემ გუშინ საღამოს განაახლა და მთელი ღამის განმავლობაში აგრძელებდა სარაკეტო შეტევას კიევის, ხარკოვის, მარიუპოლის, ჩერნიგოვის მიმართულებით.
ცოტა ხნის წინ ჩერნიგოვში რაკეტა დაეცა ცხრასართულიან საერთო საცხოვრებელს, მინიმუმ ორი ადამიანი დაიღუპა. რაკეტის ჩამოვარდნის შედეგად დანგრეულია შვიდი სართული.