ინტერნეტში ვრცელდება მარიუპოლის სამშობიარო სახლის დაბომბვის დროს დაზიანებული უკრაინელი ორსული ქალის ფოტო, სადაც ის ქმართან ერთადაა გადაღებული და ჩანს, როგორ გამოიყურებოდა დაბომბვამდე.
ეს ფოტო მას შემდეგ გავრცელდა, რაც რუსი ინტერნეტმომხმარებლების ნაწილმა გამოაქვეყნა პოსტები, სადაც წერდნენ, რომ უკრაინელი ორსული ქალის ფოტო, რომელმაც მსოფლიო მოიარა, ყალბია, რადგან ის მოდელია და კონტრაქტი, რომელიც გაფორმებული აქვს სამოდელო სააგენტოსთან, გარკვეულ პერიოდში ორსულობას გამორიცხავს.
სინამდვილეში, უკრაინელი ქალი მართლაც მოდელია, მაგრამ ნამდვილად ორსულადაა. ერთერთ ფოტოზე სწორედ ამის მტკიცებულებაა.
