მარიუპოლის სამშობიარო სახლისა და საავადმყოფოს დაბომბვა სარაკეტო დარტყმებით, შესაძლოა, ბოლო წვეთი აღმოჩნდეს ევროპისთვის, ისევე, როგორც ეს იყო მალაიზიური “ბოინგის” ჩამოგდების დროს ან სრებრენიცის კრიზისის დროს ბალკანეთში, – ამის შესახებ საკუთარ ტელეგრამ-არხზე პოლიტოლოგმა, ლონდონის საუნივერსიტეტო კოლეჯის უფროსმა მეცნიერ-თანამშრომელმა ვლადიმირ პასტუხოვმა დაწერა.
მისი თქმით, ეს ქმედება კარდინალურად შეცვლის რუსეთის სახელმწიფოსადმი ისედაც შეცვლილ დამოკიდებულებას:
“მას შემდეგ, რაც სარაკეტო დარტყმების შედეგად დაზიანებული სამშობიარო სახლის კადრებს აჩვენებენ ყველა ქვეყნის პარლამენტში, რუსეთის წინააღმდეგ, როგორც ახალი ბარბაროსების წინააღმდეგ ომი დომინირებული თემა გახდება მთელი ცივილიზებული სამყაროსთვის, რომელიც დასავური ელიტის ქმედებებსა და დამოკიდებულებას კარდინალურად შეცვლის”, – წერს პასტუხოვი.
“ეს ის ბოლო წვეთია, რომელმაც, შესაძლოა, აავსოს ევროპელთა მოთმინების ფიალა და შეუქცევადი, რუსეთისთვის ძალიან ცუდი სცენარის ტრიგერად გადაიქცეს”, – ამატებს პოლიტოლოგი.