მას შემდეგ, რაც აჭარის ა/რ მთავრობის თავმჯდომარემ თორნიკე რიჟვაძემ “შესაბამისი დარგის ექსპერტებთან” გადაამისამართა ჟურნალისტები, რათა პასუხი გაეცა შეკითხვაზე, “ვინ დაიწყო ომი უკრაინაში, რუსეთმა თუ უკრაინამ?”, ის არამარტო კოლაბორაციონისტთა საიტის “მიროტვორეცის” ბაზაში შეიტანეს, კიევის ეროვნული უნივერსიტეტიმაც ჩათვალა საჭიროდ გამოხმაურება და იმის აღნიშვნა, რომ თორნიკე რიჟვაძეს დიპლომი არ მიუღია:
“1989 წელს დაბადებული თორნიკე რიჟვაძე, აჭარის რესპუბლიკის მთავრობის თავმჯდომარე, არ მიუღია კიევის ტარას შევჩენკოს სახელობის ეროვნული უნივერსიტეტის დიპლომი.
2015 წელს ჩააბარა კიევის ტარას შევჩენკოს ეროვნული უნივერსიტეტის საერთაშორისო ურთიერთობების ინსტიტუტის სამაგისტრო პროგრამაში, ხოლო 2017 წელს ოჯახური გარემოების გამო საკუთარი ნებით გარიცხეს. ამრიგად, სწავლის ეს პერიოდი არ დასრულებულა სამეცნიერო ხარისხისა და კვალიფიკაციის მიღებით, რადგან სწავლა შეწყდა.
მიუხედავად ამისა, სამწუხაროა, რომ ის ირიცხებოდა ჩვენი უნივერისიტეტის ასპირანტად და ასე არ უყვარს უკრაინა”, – აღნიშნულია კიევის უნივერსიტეტის განცხადებაში.