ვიდეო: – ყვავილები
უკრაინის სასაზღვრო ნაწილის თანამშრომლებმა “დიაკოვოს” საკონტროლო-გამშვებ პუნქტთან დააკავეს 12 კაცი, რომლებიც მობილიზაციის ასაკის ფარგლებში იყვნენ (18-60 წელი) და უკრაინის დატოვებას ცდილობდნენ.
სამარშრუტო ტაქსიდან ჩამოსულ კაცებს კარებთან მესაზღვრეები დახვდნენ და ტიტები უსახსოვრეს.
“აიღე ყვავილი, 8 მარტია, გილოცავთ”, – ეუბნებოდნენ მათ მესაზღვრეები.
ერთერთი ახალგაზრდა, რომელმაც ყვავილი მიიღო, გაკვირვებულია და კითხულობს:
-ეს ცოლისთვისაა, ხომ?
-კი, ცოლისთვის. ჩათვალე, რომ როგორც სამშობლოს დამცველი, ბრუნდები – პასუხობს ირონიით მესაზღვრე.
დაკავებულთაგან ერთი, გავრცელებული ინფორმაციით, ცნობილი უკრაინელი მომღერლის სოფია როტარუს შვილია.
18-დან 60 წლამდე ის კაცები, ვინც უკრაინის დატოვებას ცდილობენ, სისხლის სამართლის კოდექსის 322-ე მუხლით ისჯებიან, ამასთან, ევაკუაციას და მობილიზაციის პუნქტში გადაყვანას ექვემდებარებიან.