როგორ უნდა გაითხაროს საძმო საფლავი სასწრაფო წესით- 26.02. ხელმოწერილი, რუსული ინსტრუქცია

0
294

რუსეთის თავდაცვის სამინისტრომ საგანგებოდ უკრაინაში გამოსაყენებლად შეცვალა სასწრაფო წესით ჯარისკაცთა ცხედრების დამარხვის ინსტრუქცია. 

ინსტრუქცია, რომელიც უკრაინაში გადასროლილ რუსულ შენაერთებს გადაეგზავნა, ეტაპებადაა დაყოფილი და მასში მითითებულია საძმო საფლავის სიგრძე, სიგანე და სიღრმე, ასევე ჩამოთვლილია ის პროცედურები, რაც აუცილებელია ცხედრების გარწნის შედეგად გამოწვეული ინტოქსიკაციის თავიდან ასაცილებლად. 

ინსტრუქციას თან ერთვის ვიზუალური ნიმუშები, რა ეტაპი როგორ უნდა გამოიყურებოდეს. ბოლოს გათვალისწინებულია ცხედრების დამარხვის ადგილის მორწყვა სპეციალური ხსნარით.

ინსტრუქციის მიხედვით, თავდაპირველად უნდა გაითხაროს საძმო საფლავი, რომლის სიგრძე 20 მეტრია, სიგანე 3, ხოლო სიღრმე – 2, 3 მეტრი. 

ამას მოსდევს ამოთხრილ ორმოში ცხედრების ჩალაგების სქემა:

და ბოლოს, ინსტრუქცია, თუ როგორ უნდა მოირწყას ბოლოს საძმო საფლავი სპეციალური ხსნარით:

აღსანიშნავი და საინტერესოა, რომ ინსტრუქცია 26 თებერვალსაა ხელმოწერილი, ანუ, უკრაინაში რუსეთის შეიარაღებული ძალების შეჭრის მეორე დღეს, რაც ადასტურებს, რომ ის უკრაინაზე მორგებული მუშა პროექტია. 

წინა სტატიაუკრაინაში საბრძოლველად, მოხალისედ წასვლის სურვილი 3.000-მა ამერიკელმა გამოთქვა
შემდეგი სტატიარუსეთმა საქართველოს სანქციები მოუხსნა – “უკრაინსკაია პრავდა”
ტელეკომპანია ოდიშის საინფორმაციო სამსახური