კიევის ოლქის ქალაქი ირპენი, საიდანაც მოსახლეობის ევაკუაცია უნდა დაწყებულიყო, რუსული საარტილერიო ცეცხლის სამიზნე გახდა.
ვიდეო, რომელიც უკრაინის შეიარაღებული ძალების გენერალურმა შტაბმა გაავრცელა, ქალაქის ცენტრშია გადაღებული. კადრში ჩანს უკრაინელი ჯარისკაცი, რომელიც ოპერატორს უყვება, როგორ ბომბავს რუსეთის არტილერია მშვიდობიან მოსახლეობას.
ჭურვი სწორედ ამ დროს, ჯარისკაცისგან რამდენიმე მეტრში ეცემა და ფეთქდება. მომდევნო კადრში მეგობრებს აფეთქების არეალიდან სწორედ ეს ჯარისკაცი გაჰყავთ, რომელიც დაჭრილია და დამოუკიდებლად ვერ გადაადგილდება.
შეგახსენებთ, დღეს რუსეთის საარტილერიო ცეცხლის ქვეშ არიან ქალაქები: კიევი, ხარკოვი, მარიუპოლი, ვინიცა, ჟიტომირი, ირპენი.