რუსულმა ოპოზიციურმა ტელეარხმა “დოჟდ” მაუწყებლობა დროებით შეაჩერა. 

“ჩვენ გვჭირდება, ვიპოვოთ ძალა, ამოვისუნთქოთ და გავარკვიოთ, როგორ უნდა ვიმუშავოთ მომავალში. იმედი გვაქვს, რომ დავბრუნდებით ეთერში”, – განაცხადა გენერალურმა დირექტორმა ნატალია სინდეევამ. 

“На *уй такую работу” – ასეთი და მსგავსი წარწერებით მაისურებზე თანამშრომლები სტუდიაში შეიკრიბნენ და მაყურებელსა და ერთმანეთს დროებით დაემშვიდობნენ. 

შეგახსენებთ, 1 მარტს “როსკომნადზორმა” (რუსეთის კავშირგაბმულობის, საინფორმაციო ტექნოლოგიებისა და მასობრივი კომუნიკაციის ზედამხედველობის სახელმწიფო კომიტეტი) დაბლოკა “დოჟდი” რუსეთის ტერიტორიაზე. ამის მიუხედავად, ტელეარხი აგრძელებდა მაუწყებლობას იუთუბ-არხზე. 

შეგახსენებთ, კომიტეტის სანქციების ქვეშ მოხვდა ტვ “ნასტოიაშეე ვრემია”, თუმცა, მას არ შეუწყვეტია მაუწყებლობა იმის მიუხედავად, რომ რუსეთში არხი დაბლოკილია.

ასევე ცნობილი გახდა, რომ დირექტორთა საბჭოს გადაწყვეტილებით, ლიკვიდირებულია ასევე “ეხო მოსკვი”.