გამთენიის შემდეგ უძლიერესი საარტილერიო შეტევის სამიზნეა უკრაინის ერთ-ერთი უდიდესი ქალაქი ხარკოვი. გავრცელებული ინფორმაციით. “გრადის” ჭურვებთან ერთად რუსული მხარე აკრძალულ საარტილერიო დანადგარებსა და ჭურვებსაც იყენებს.
ვრცელდება უმძიმესი კადრები, მათ შორის, ქალაქის ცენტრიდან, მაგალითად, მეტროსადგური “კიევსკაია”, სადაც ჭურვი მანქანას მოხვდა და იქ მსხდომი ადამიანები დაიღუპნენ. ასევე, ერთერთ საცხოვრებელ კორპუსში, სამზარეულოში შევარდნილმა ჭურვმა ქალის სიცოცხლე იმსხვერპლა. დაღუპულთა შორის ბავშვებიც არიან. ერთ ადგილობრივ მცხოვრებ ქალს აფეთქების დროს ჭურვმა ფეხები მოაგლიჯა.
ამ დროისთვის უკრაინული მხარის მიერ გავრცელებული ინფორმაციით, დაღუპულია ათზე მეტი და დაჭრილია 50-მდე ადამიანი.