ქართულმა ტანკერმა უარი უთხრა რუსულ გემს საწვავის შევსებაზე. ქართველებმა რუსების თხოვნას ცნობილი ფრაზით “Русский корабль, иди на *уй!”(ფრაზა რომლითაც უკრაინის კუნძულ ზმეინიზე უკრაინული გარნიზონის წევრებმა უპასუხეს ოკუპანტთა წინადადებას დანებებაზე) უპასუხეს.

შემთხვევა შავ ზღვაში მოხდა, თუმცა, ვიდეოდან არ ჩანს, საქართველოს საზღვაო სანაოსნოს რომელ ტანკერთან გამოვიდნენ კავშირზე რუსული ხომალდის ეკიპაჟის წევრები.

“რუსული ეკიპაჟი ხართ? უარს ვამბობთ საწვავის შევსებაზე, დიდება უკრაინას, დიდება გმირებს!” – ეუბნება რუსულ ხომალდს მართვის კაბინაში მყოფი ქართველი, რომელიც მათ კაპიტნის თანაშემწედ გაეცნო.

“პატივცემულო, საწვავი გვიმთავრდება, ასე არ დაგვტოვოთ” – რუსული ეკიპაჟის ამ თხოვნას ქართული ტანკერიდან პასუხობენ: “შეგიძლიათ, ნიჩბები გამოიყენოთ!..”