ხარკოვში რუსი ოკუპანტების შესვლიდან ორი საათის შემდეგ დესანტის ნახევარი განადგურებულია, რუსული სამხედრო ტექნიკა ქალაქის სხვადასხვა ნაწილში იწვის,
ინფორმაციას თავის ტელეგრამ-არხზე უკრაინის შს მინისტრის მრჩეველი ანტონ გერაშენკო ავრცელებს აღწერილობით: “კარგი ამბები ხარკოვიდან”.
ინფორმაციის მიხედვით, რუსი ოკუპანტების წინააღმდეგ ბრძოლაში აქტიურად არიან ჩართული მოქალაქეები.
“მათი (ოკუპანტების) უმრავლესობა 17-25 წლის ღლაპები არიან, მათ ეშინიათ, რადგან სხვის მიწაზე არიან. ბიჭებო, რატომ მოხვედით აქ, სასიკვდილოდ?”- წერია ანტონ გერაშენკოს მიერ გაზიარებულ ინფორმაციაში.
პარალელურად, სხვადასხვა პლატფორმაზე ვრცელდება აფეთქებული, მწყობრიდან გამოსული და ალმოდებული ჯავშანტექნიკის კადრები, რომლებიც ხარკოვშია გადაღებული.