უკრაინის პრეზიდენტი ვოლოდიმირ ზელენსკი საქართველოს დედაქალაქში და სხვა ქალაქებში უკრაინის მხარდასაჭერად გამართულ ხალხმრავალ აქციებს ეხმიანება და ქართველ ხალხს მხარდაჭერისთვის მადლობას უხდის.
,,საოცარი ქართველი ხალხი, ვისაც ესმის, რომ მეგობრებს მხარდაჭერა სჭირდება! 
მადლობა ყველას თბილისსა და სხვა ქალაქებში, ვინც გამოვიდა უკრაინის მხარდასაჭერად და ომის წინააღმდეგ. ფაქტობრივად, არის შემთხვევები, როდესაც მოქალაქეები თავიანთ მთავრობაზე უკეთესები არიან”, – წერს ვოლოდიმირ ზელენსკი.
შეგახსენებთ, თბილისში, ზუგდიდში, ბათუმში, ქუთაისსა და საქართველოს სხვა ქალაქებში უკრაინის მხარდამჭერი აქციები გაიმართა. განსაკუთრებით ხალხმრავალი აქცია გაიმართა თბილისში, სადაც რუსთაველის გამზირი და თავისუფლების მოედანი, ფაქტობრივად, გადავსებული იყო.
თბილისის აქციის ფგოტო ტელეგრამ-არხზე გამოასქვეყნა შს მინისტრის მრჩეველმა ანტონ გერაშენკომაც, რომელმაც ფოტოს აღწერილობაში საქართველოს პრემიერმინისტრს “რუსეთის ფედერაციის მარიონეტი” უწოდა.
უკრაინის შს მინისტრის მრჩევლის ტელეგრამ-არხზე საქართველოს პრემიერს “რუსეთის მარიონეტი” უწოდეს