ბაკურიანში მიტარბის პირველი საბაგირო გათიშულია – 50-მდე დამსვენებელი დახმარებას უშედეგოდ ითხოვს. 50-მდე მგზავრი უკვე დაახლოებით 2 საათია -10 გრადუს ყინვაში ჰაერშია გაჩერებული და არანაირი ინფორმაცია არ აქვს იმასთან დაკავშირებით, როდის ჩამოიყვანენ საბაგიროებიდან.
მთის კურორტების განვითარების კომპანიაში აცხადებენ, რომ საბაგირო ძაბვის ვარდნის გამო გაჩერდა. ადგილზე უკვე არიან მაშველები და დამსვენებელთა ჩამოყვანას ცდილობენ
“ვართ -10 გრადუს ყინვაში 2 000 მეტრზე ზემოთ, არავინ იცის, რა შეიძლება გაკეთდეს და რამდენი ხანი მოგვიწევს გაჩერება. ცივა. უკვე დაღამდა, ერთი მხრიდან ნისლი გვიახლოვდება, თოვს და ადგილზე ვართ გამოკიდებული. ვერც ვმოძრაობთ, რომ გავხურდეთ და აღარ შეგვცივდეს. “- ამბობს დამსვენებელი