ციხე-სიმაგრეებად ქცეული ადმინისტრაციული შენობები და მანდატების ქურდები- პრეზიდენტი სააკაშვილი

0
296

“მთელ საქართველოში, ხალხის ფულით აშენებული ადმინისტრაციული შენობები იქცა ციხე-სიმაგრეებად, სადაც არჩევნების მოპარვის შემდეგ მანდატების ქურდები გამაგრდნენ”- ამის შესახებ საქართველოს მესამე პრეზიდენტი სოციალურ ქსელში წერს. 

მიხეილ სააკაშვილი ბათუმის მერიაში მომხდარ დაპირისპირებას ეხმაურება და აცხადებს, რომ საჭიროა მეტი მობილიზაცია:

ბათუმის მერიის შენობიდან დღეს დილიდან პოლიციამ ძალის გამოყენებით გამოყარა აჭარის უზენაესი საბჭოსა და ბათუმის საკრებულოს დეპუტატები, რომლებიც წყნარად ელოდებოდნენ თვითგამოცხადებულ მერს, რათა დაესვათ კითხვები მილიონობით ლარის მოპარვაზე. 

მთელ საქართველოში, ხალხის ფულით აშენებული ადმინისტრაციული შენობები იქცა ციხე-სიმაგრეებად, სადაც არჩევნების მოპარვის შემდეგ მანდატების ქურდები გამაგრდნენ.

ამაზე ერთადერთი პასუხია კიდევ მეტი მობილიზაცია, მეტი ხალხი და ვინ ვის გამოყრის, მერე ვნახავთ. უნდა გვესმოდეს, რომ ის, რასაც ხელისუფლება აკეთებს, უმწეობისა და პანიკის ნიშანია და ვერცერთ შემთხვევაში ვერ გასტანს დიდხანს, თუ ჩვენ ფორმაში ვიქნებით”- წერს სააკაშვილი.

წინა სტატიასრული პასუხისმგებლობა მიხეილ სააკაშვილის ჯანმრთელობასთან დაკავშირებით, ეკისრება ივანიშვილს და ქართული ოცნების ხელისუფლებას”,- კობა ნაყოფია მესამე პრეზიდენტს შეხვდა
შემდეგი სტატიაირაკლი ღარიბაშვილს „ომიკრონი” დაუდასტურდა
ტელეკომპანია ოდიშის საინფორმაციო სამსახური