“მთავარი არხის” საეთერო ბადეში ცვლილებებია. განხორციელდა ასევე შიდა სტრუქტურული ცვლილებებიც. ყველაზე მთავარი სიახლე, რაც გენერალურმა დირექტორმა ნიკა გვარამიამ დაანონსა, ისაა, რომ “პოსტ ფაქტუმის” წამყვანი გიორგი გაბუნია საინფორმაციო სამსახურის ხელმძღვანელად დაინიშნა. ამავდროულად, გიორგი გაბუნია გენერალური დირექტორის პირველი მოადგილე გახდა.
ნიკა გვარამიამ სხვა ცვლილებებზეც გაამახვილა ყურადღება სტატუსში, რომელიც “ფეისბუქზე” გამოაქვეყნა:
„პოსტ ფაქტუმს წაიყვანს მიხეილ სესიაშვილი. პოსტ ფაქტუმის ჯგუფს შეემატა ბექა ყორშიაც. შაბათის ფორმატი აქამდე არსებული სახით, დაიხურა. მის ნაცვლად შემოგთავაზებთ ახალი ამბების გამოშვებას, საინტერესო ფორმატით. გადაცემას წაიყვანს თამარ ბაღაშვილი.
გამომდინარე იქიდან, რომ თამარ ბაღაშვილი ცხრიანი მთავარის წამყვანია, დაიხურა “დებატები თამარ ბაღაშვილთან”. შეიცვალა ჩემი გადაცემის ეთერში გასვლის დროც. მთავარი აქცენტები იქნება ხუთშაბათობით 22:00 საათზე. პროექტი ხალხის ხმა დაიხურა, ხოლო მთავარი გოგოები იქნება კვირას, 23:00, პოსტ ფაქტუმის შემდეგ“- წერს ნიკა გვარამია.