აშშ-ს ეს განცხადება უმკაცრესია და, თუ გეოპოლიტიკურ კონტექსტში განვიხილავთ, კიდევ უფრო მძიმე -ელენე ხოშტარია

0
252
ეს უმკაცრესი განცხადება გეოპოლიტიკურ კონტექსტში უნდა განვიხილოთ და კიდევ უფრო მძიმეა.  – ამბობს ელენე ხოშტარია  აშშ-ს განცხადებაზე მმართველი პარტიის გზავნილებისშესახებ
მისი თქმით, ,,მაშინ როდესაც უკრაინისა და საქარათველოს უსაფრთხოება მორიგი თავდასხმის ქვეშ არის რუსეთის მხრიდან, სადაც პირდაპირ რუსეთი ამბობს ამ ქვეყნების ბედი ჩვენ უნდა მოგვანდოთო, საქართველოს მთავრობა არა თუ არ ეძებს დაცვას დასავლეთში, არამედ უპირისპირდება დასავლეთს. თან უპირისპირდება ავტორიტარიზმის გაძლიერების ნიშნით. ძალაუფლების კონტროლის მექანიზმებზე ფიქრსაც არ ვაპირებთ, მივიტაცეთ და ჩვენიაო.
პროდასავლური ოპოზიციის კოალიციური კონფიგურაცია კიდევ უფრო მკაფიოდ უნდა გამოიკვეთოს, როგორც უმრავლესობის ნების ამსახველი ძალის.
ასევე მოქალაქეებს კარგად უნდა ავუხსნათ არჩევანი რასა და რას შორის დადგა. საბოლოო ჯამში არჩევანს ხალხი აკეთებს”- ამბობს ელენე ხოშტარია
ცნობისათვის: ,,ძლიერი დემოკრატიული ინსტიტუტები და კანონის უზენაესობისადმი ერთგულება არის საქართველოს საუკეთესო დაცვა რუსული აგრესიისგან. ნაბიჯები, რომლებიც ასუსტებს დემოკრატიულ ინსტიტუტებს, როგორიცაა სასამართლო ან დამოუკიდებელი საზედამხედველო უწყებები, აზიანებს საქართველოს მისწრაფებებს ნატოსა და ევროკავშირში გაწევრიანებისკენ და ძირს უთხრის ძირითად თავისუფლებებს, რაც ქართული კულტურისა და საზოგადოების საძირკველს წარმოადგენს”,- ნათქვამია საელჩოს განცხადებაში.
წინა სტატიამმართველმა პარტიამ ბოლო გზავნილით “ძირი გამოუთხარა მთავრობის ანგარიშვალდებულებას” – აშშ-ს საელჩო .
შემდეგი სტატიადავით ზალკალიანი მალხაზ მალაშხიას გარდაცვალების გამო 
ტელეკომპანია ოდიშის საინფორმაციო სამსახური