,,სახელმწიფო ინსპექტორის სამსახური არის უწყება, რომელსაც მმართველი პარტია ჯერ კიდევ ვერ აკონტროლებს. ეს არის ადმინისტრაციული ორგანო, რომელიც მათ კონტროლს მიღმა იყო და ლონდა თოლორაიას ხომ არ დააპატიმრებდნენ ან ნარკოტიკს ხომ არ ჩაუდებდნენ ჯიბეში? ამიტომ ადგნენ და გააუქმეს ის უწყება, რომელიც მიხეილ სააკაშვილის მიმართ არაადამიანურ მოპყრობას იძიებს”. -ასე გამოეხმაურა “ნაციონალური მოძრაობის” ლიდერი ნიკა მელია სახელმწიფო ინსპექტორის სამსახურის შესაძლო გაუქმების საკითხს.
მელიას თქმით, ,,სახელმწიფო ინსპექტორის სამსახურის გაუქმება არის თვალსაჩინო მაგალითი, თუ როგორ ებრძვიან განსხვავებულ, კრიტიკულ პოზიციას ხელისუფლების ფარგლებშიც კი. მაქსიმუმ 1 თვეში იგეგმებოდა დასკვნის გამოტანა, რომელიც იქნებოდა ძალიან ძლიერი მტკიცებულება არამარტო ჩვენს საერთო სასამართლოებში, არამედ სტრასბურგშიც- ამიტომ ჩქარობს ხელისუფლება, მას აშინებს, რომ დაახლოებით 1 თვეში საჯაროდ უნდა გამოედოთ სახელმწიფო ინსპექტორის დასკვნა, რაც სააკაშვილის საქმესთან დაკავშირებით ბევრ საკითხს მოფენდა ნათელს “