,,მიხეილ სააკაშვილის პატიმრობაში ყოფნის საფუძველი არ არსებობს” – აცხადებენ უკრაინელი ადვოკატები

0
260

ექსპრეზიდენტი სააკაშვილი მისმა  უკრაინელმა ადვოკატებმა  ცოტა ხნის წინ გორის ჰოსპიტალში მოინახულეს.

ჰოსპიტალში შესვლამდე მათ განაცხადეს, რომ მიხეილ სააკაშვილის პატიმრობაში ყოფნის საფუძველი არ არსებობს,

,, არის პოზიტიური დინამიკა სამართლებრივი მუშაობის მიმართულებით უთხრა ჟურნალისტებს ერთერთმა ადვოკატმა ევგენი გრუშოვეცმა . მისი თქმით,   ,,ევროსასამართლომ უკრაინის სახალხო დამცველს  ლუდმილა დენისოვას გამოუგზავნა წერილი, რომლითაც  აცნობა, რომ თანახმაა მიხეილ სააკაშვილის საქმეში  მესამე მხარედ.ჩართოს, შესაბამისად, ასევე იქნება გაზიარებული ლუდმილა დენისოვას მიერ მოპოვებული მტკიცებულებები და დასკვნები,  ევროსასამართლოს გადაეგზავნება  როგორც ქართველი,  ასევე უკრაინელი ადვოკატების მიერ მომზადებული დოკუმენტები. მათი გადაგზავნა მოხდება დენისოვას   მიხეილ სააკაშვილთან შეხვედრის შემდეგ.

ჩვენ მივმართავთ ევროპულ და მსოფლიო თანამეგობრობას,  რათა  მეტი ყურადღებით შეისწავლონ სააკაშვილის საქმე. ჩვენ  არ ვიზიარებთ პოზიციას,  რომ სააკაშვილი უკანონო ქმედებებში მონაწილეობდა.  – თქვა ადვოკატმა ჰოსპიტალში შესვლამდე.

მიხეილ სააკაშვილის მონახულების შემდეგ  კი ადვოკატმა განაცხადა, რომ მას  დაღლილი იერი აქვს, რის გამოც შეხვედრა ხანმოკლე იყო. ,,  ჩვენ გვაქვს რამდენიმე მოთხოვნა, მათ შორის არის ადექვატური სამედიცინო დახმარების გაწევა და ყველა იმ პროფილის ექიმი ჩართვა, რომელიც მას სჭირდება” – თქვა მან. 

.

წინა სტატიაბანგლადეშში, მდინარეზე დიდი სამგზავრო ბორანი დაიწვა . მსხვერპლი დიდია  
შემდეგი სტატიაკახა კუჭავამ პარლამენტის თავმჯდომარის პოსტი დატოვა, მას შალვა პაპუაშვილი შეცვლის
ტელეკომპანია ოდიშის საინფორმაციო სამსახური