საქართველოს მესამე პრეზიდენტის გათავისუფლების მოთხოვნითთ თბილისში დაგეგმილ ფართომასშტაბიან აქციას რეგიონებიდანაც უერთდებიან. კოლონა უკვე გაემგზავრა ზუგდიდიდანაც. ზუგდიდელები ამბობენ, რომ რამდენჯერაც საჭირო გახდება აქციას იმდენჯერ შეუერთდებიან. მოქალაქეები ამბობენ, რომ მიხეილ სააკაშვილმა თანამედროვე ქართული სახელმწიფო შექმნა და არ შეიძლება ის ციხეში იჯდეს.
21 დეკემბერი მესამე პრეზიდენტის დაბადების დღეა, ფართომასშტაბიანი აქცია საქართველოს დედაქალაქში ერთიანმა ნაციონალურმა მოძრაობამ წინასწარ დააანონსა. რეგიონებიდან დედაქალაქში წასასვლელად სამზადისი დილიდანვე დაიწყო. პარტიის წევრები, მხარდამჭერები და მოქალაქეები დღეს კიდევ ერთხელ გააპროტესტებენ საქართველოს მესამე პრეზიდენტის პატიმრობას და მის გათავისუფლებას მოითხოვენ.