საქართველოს მესამე პრეზიდენტის მიხეილ სააკაშვილის გათავისუფლების მოთხოვნით დღეიდან მასობრივი შიმშილობა იწყება. აქციას ენმ-ის ლიდერები იწყებენ.
რუსთაველის გამზირზე დღეს გამართულ მიტინგზე გამოცხადდა პარტიის გადაწყვეტილება, რომლის მიხედვითაც, ენმ-ის წევრები, პირველ რიგში კი პარტიის ლიდერები შიმშილობას დაიწყებენ. ამ წუთებში ყურადღების ცენტრშია ენმ-ის ოფისი, სადაც ნიკა მელია და პოლიტსაბჭოს სხვა წევრები იწყებენ შიმშილობის აქციას.
შიმშილობის პროცესში მონაწილეობას გეგმავენ რიგითი მხარდამჭერებიც. ნავარაუდევია, რომ აქცია მრავალრიცხოვანი და მასშტაბური იქნება და მასში ბევრი ადამიანი მიიღებს მონაწილეობას.