ზუგდიდის საკრებულომ სხდომაზე ახალი დეპუტატების ,,ერთიანი ნაციონალური მოძრაობიდან’’ მანუჩარ ფიფიასა და ,,ქართული ოცნებიდან’’ გიორგი კორატავს უფლებამოსილება სცნო. ამის შემდეგ კი ნაწილობრივად წარმოდგენილმა ,,ერთიანმა ნაციონალური მოძრაობის’’ წევრებმა, სხდომა დატოვეს. სხდომაზე ,,გახარია-საქართველოსთვის’’ პარტიის წევრმა გიგა ფარულავამ საკრებულოს თავმჯდომარედ საკუთარი კანდიდატურა დაასახელა. საკუთარი კანდინდატურის წარდგენისას სხდომათა დარბაზში ,,დროას’’ ადგილობრივი ორგანიზაციის წევრი, მარიამ სიჭინავა პლაკატით შევიდა, წარწერით ,,ჩვენი თვალი გაქვთ!’’ და მიმართა პარტია ,,საქართველოსთვის’’ წევრებს თუ გრძნობდნენ ამ ფაქტის მიმართ პასუხისმგებლობას.
,,ქართული ოცნების’’ წევრებმა თავმჯდომარის არჩევაში მონაწილეობა არ მიიღეს და არც საკუთარი პარტიიდან კანდინდატურა დაუსახელებიათ.
საკრებულოს სხდომა, კიდევ ერთი კვირით გადაიდო და სავარაუდოდ, 24 დეკემბერს, პარასკევს ისევ გაიმართება.