ჩხოროწყუს საკრებულოში მესამე სხდომაც ჩაიშალა და თავმჯდომარე ისევ ვერ აირჩიეს. სხდომის პირველ ნაწილში საკრებულოს თავმჯდომარედ “ოცნების” მიერ დასახელებულ ჯუმბერ იზორიას უყარეს კენჭი – თუმცა ქართული ოცნების კანდიდატმა საჭირო 14 ხმის მოპოვება ვერ შეძლო და კანდიდატურა ჩავარდა, რადგან “საქართველოს” წევრებმა მას მხარი არ დაუჭირეს, ხოლო კენჭისყრამდე, სხდომა პროტესტის ნიშნად „ლელოს“ და “ნაციონალური მოძრაობის” წევრებმა დატოვეს.
27-კაციან საკრებულოში “ნაციონალური მოძრაობა” და პარტია “საქართველოსთვის” 7-7 წევრით არის წარმოდგენი, “ლელოს” ერთი დეპუტატი ჰყავს, 12 წევრი კი “ქართულ ოცნებას” ეკუთვნის. “ქართულ ოცნებას” კიდევ ერთი შანსი აქვს, რომ ჯუმბერ იზორია საკრებულოს თავმჯდომარის კანდიდატურად დაასახელოს.