მუნიციპალიტეტის საკრებულოებში გადაწყვეტილება უნდა მიიღებოდეს ღია კენჭისყრით და არა ფარულად, როგორც ახლა ხდება – ამის შესახებ ანა ბუჩუკურმა პარლამენტში გამართულ ბრიფინგზე ისაუბრა.
მისი თქმით, პარტიის ,,საქართველოსთვის” დეპუტატებმა შესაბამისი კანონპროექტი უკვე დაარეგისტრირეს.
,,სამწუხაროდ, ,,ოცნება” აგრძელებს არჩევნებამდე დაწყებული უკანონობების გამოყენებას და მოსყიდვით, შანტაჟით ცდილობს მოქალაქეთა ნების საწინააღმდეგოდ უმრავლესობის შექმნას საკრებულოებში. მივმართავთ პირველ რიგში საქართველოს პარლამენტის თავმჯდომარეს, რომ უზრუნველყოს ჩვენს მიერ დაინიცირებული კანონპროექტის დროულად განხილვა ბიუროს მიერ, მივმართავთ ,,ოცნებას”, გაეცნოს საქართველოს კონსტიტუციას და გაიხსენონ, რომ ხელისუფლების, მათ შორის ადგილობრივი ხელსიუფლების ერთადერთი წყარო ხალხია. და შეწყვიტონ მოსახლეობის მიერ მიღებული გადაწყვეტილებებით ვაჭრობა მაფიოზური წესებით.
იმისთვის, რომ ერთის მხრივ სააშკარაოზე გამოვიდეს “ოცნების” უკანონობა და მეორეს მხრივ, სხვადასხვა პარტიის მიერ სპეკულაციები გამოირიცხოს, გაიზარდოს მათი საქმიანობისა და ანგარიშვალდებულების ხარისხი, საპარლამენტო გუნდმა დავაინიცირეთ კანონპროექტი, რომლის მიხედვითაც, მუნიციპალიტეტის საკრებულოს მიერ მიღებული ყველა გადაწყვეტილება უნდა იყოს ღია კენჭისყრით. მათ შორის, როდესაც ეს გადაწყვეტილება ეხება პირის თანამდებობიდან გადაყენებას, არჩევას, თუ უნდობლობის გამოცხადების საკითხების გადაწყვეტას”- განაცხადა ანა ბუჩუკურმა.