ბექა ბასილაიას თქმით, თუ სააკაშვილთან დეპუტატებს არ შეუშვებენ, მკურნალობის კურსს შეწყვეტს

0
60

ადვოკატი, ბექა ბასილაია აცხადებს, რომ თუ დეპუტატებს არ შეუშვებენ გორის ჰოსპიტალში, მიხეილ სააკაშვილი მკურნალობას შეწყვეტს და ამაზე მას “მკაფიო პოზიცია” აქვს. ამაზე მან სააკაშვილის მონახულების შემდეგ, ჟურნალისტებთან ისაუბრა. მანვე განმარტა, რომ ამაში არ იგულისხმება შიმშილობის ხელახლა დაწყება.

“ბოლო დღეების განმავლობაში არ ეძლევათ დეპუტატებს მიხეილ სააკაშვილთან შეხვედრის შესაძლებლობა. ეს არის პოლიტიკური იზოლაციის პროცესი, მიხეილ სააკაშვილისთვის ხელის შეშლის პროცესი. დეპუტატებს სრული უფლება აქვთ შეხვდნენ მიხეილ სააკაშვილს.

მიხეილ სააკაშვილს აქვს მკაფიო პოზიცია, თუ ეს გაგრძელდება და ამას არ დაესმევა წერტილი, ის გორის ჰოსპიტალში მკურნალობის პროცესს შეწყვეტს და მიიღებს მხოლოდ იმ მედიკამენტებს, რასაც მანამდე იღებდა ექიმის დანიშნულებით, ვიდრე საქართველოში ჩამოვიდოდა”, – აცხადებს ბასილაია.

მიხეილ სააკაშვილი 50 დღის განმავლობაში შიმშილობდა.

იუსტიციის სამინისტრომ სააკაშვილს გორის სამხედრო ჰოსპიტალში გადაყვანა შესთავაზა. ის გლდანის ციხის საავადმყოფოდან გორის სამხედრო ჰოსპიტალში გადაყვანას 19 ნოემბერს დათანხმდა. ამჟამად სააკაშვილი რეაბილიტაციის კურსს გადის.

წინა სტატია29 ნოემბერს სასამართლლოსთან შეიკრიბეთ და დეკემბერში ეროვნული აქცია გავაკეთოთ – სააკაშვილი
შემდეგი სტატიაგამყრელიძე მწვანე პასპორტის ორი ვარიანტის შემოღებას არ გამორიცხავს
ტელეკომპანია ოდიშის საინფორმაციო სამსახური