მიხეილ სააკაშვილის ადვოკატი ნიკა გვარამია გორის ჰოსპიტალის დატოვებისა და მიხეილ სააკაშვილთან შეხვედრის შემდეგ ედუარდ სააკაშვილის ინტერვიუს შესახებ მესამე პრეზიდენტის თხოვნით საუბრობს:
“მიხეილ სააკაშვილმა მთხოვა, განმარტება მიმეცა, რომ მისი ვაჟი არის სრულწლოვანი ადამიანი, მას თავისი აღქმები აქვს, თავისი პოზიციები აქვს და იგი აფიქსირებს მამასთან შეთანხმების გარეშე.[..] ცხადია ამ ყველაფერს თვითონ არ მიიჩნევს და ვერ ხედავს ადამიანებს, რომლებიც მისი სიკვდილის ფასად რაიმე სიკეთის მიღწევას უშვებდეს” – ამბობს ნიკა გვარამია
“შვილი”- ასე ქვია “რადიო თავისუფლების” პროექტს, რომლის პირველი სტუმარიც მესამე პრეზიდენტის შვილი იყო. გადაცემის ჩანაწერს “მთავარი არხის” მაყურებელი ეთერში შაბათს ნახავს.
“ვიღაცეებს ურჩევნიათ, სააკაშვილი იყოს მკვდარი, ვიდრე ცოცხალი” – ოპოზიციის ზოგიერთი წარმომადგენლის განცხადება და ქცევა ჩემს გულისწყვეტას იწვევს.
ძალიან მაშფოთებს, მართლა შემზარავია ოპოზიციის მხრიდანაც საუბარი “აი, თქვენ არ იცით, რა მოხდება”, ნებით,თუ უნებლიეთ, ვიღაცეებს მოთხოვნილება უჩნდებათ, მართლა რომ მოკვდეს, რა მაგარ რაღაცეებს გავაკეთებთო. მართლა გამოჩნდა ალბათ, რომ ვიღაცეებში გამოიკვეთა ტენდენცია, რომ შეიძლება, მართლა ურჩევნიათ მკვდარი და არა ცოცხალი “, – ამბობს “რადიო თავისუფლებასთან ” ინტერვიუში ედუარდ სააკაშვილი.