ოპოზიცია დღეს, 15 ნოემბერს კიდევ ერთ საპროტესტო აქციას მართავს – მოქალაქეები მეტრო “ავლაბართან” 14:00 საათზე შეიკრიბებიან და მსვლელობით თბილისის ორივე სანაპიროზე საავტომობილო გზას გადაკეტავენ.
საავტომობილო გზას ოპოზიცია ზუსტად 2 საათით, 3-დან 5-საათამდე პროტესტის ნიშნად გადაკეტავს.
“ნაციონალური მოძრაობის” თავმჯდომარე, ნიკა მელია აცხადებს, რომ საპროტესტო აქცია არ გაიმართება მიხეილ სააკაშვილის გადაყვანის შემდეგ სამოქალაქო საავადმყოფოს გარშემო. მელიას ხელისუფლებასთან შეთავაზებაც აქვს, შეიქმნას ჯგუფი, რომელიც მიხეილ სააკაშვილის ტრანსპორტირების ყველა დეტალზე იმსჯელებს და ნებისმიერ ექსცესს გამორიცხავს.